De bar en bar. Para abrazarte escribo. Xosé Carlos Caneiro

junio 1, 2008 at 11:24 am Deja un comentario

Baixo este ocorrente título agóchanse unha morea de artigos publicados polo multipremiado escritor de Ébora no xornal La Voz de Galicia. Xosé Carlos Caneiro, escritor peculiar ó tempo que polémico, amósanos a súa cara máis reivindicativa neste conxunto de escritos. A un pode gustarlle máis ou menos o estilo deste autor, a medio camiño entre a poesía e o relato curto, pero non cabe dúbida de que o verinense vai “a contracorrente da mediocridade en cada liña”.

Suso de Toro dixo del que practicaba unha literatura “horrísona”, e a crítica está bastante dividida en torno a Caneiro. Pode que sexa algo semellante ó que pasa coa Coca-Cola, que ou a queres tolamente ou a detestas. En calquera caso, X.C. Caneiro é un escritor traducido e galardoado, e está considerado unha figura innovadora no campo da nova narrativa galega, o cal pon de relevo a existencia dun talento manifesto, aínda que non guste a todo o mundo.

Confeso que non sinto especial devoción por este escritor. Atopo que a presenza reiterada do amor nos seus escritos, a repetición de palabras como corazón, lúa, boleros ou bares ata a saciedade, e a desconcertante e arbitraria mistura de galego e castelán en cada artigo provocan un certo hastío e sensación de empalago. Iso si, como dixen antes, o recoñecemento por parte da crítica e dos lectores (chámanlle “o dandi das nosas letras”), e mesmo a publicación desta recompilación de artigos seus, demostran que ó verinense non lle faltan seguidores.

Pode que Xosé Carlos Caneiro vira na fórmula da Coca-Cola (esa división extrema entre amantes e detractores) unha boa táctica para trunfar entre uns poucos sen deixar impasible a ninguén. 

 

Karina Rivero Conde

 

Anuncios

Entry filed under: Opinión.

Cómo nos venden la moto, de Noam Chomsky e Ignacio Ramonet MALA VIDA. Historias de atracadores y asesinos. Carles Quílez

Responder

Por favor, inicia sesión con uno de estos métodos para publicar tu comentario:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s

Trackback this post  |  Subscribe to the comments via RSS Feed


junio 2008
L M X J V S D
« May   Jul »
 1
2345678
9101112131415
16171819202122
23242526272829
30  

Arquivo


A %d blogueros les gusta esto: